فرحان بدموعك

فرحان بدموعك وعذابك وخضوعك
مش قلبك ده جرحني مش حاول يدبحني
لازم يتألم

فرحان انك جيتني ومن تانى اترجيتني
انسالك واسامح لا يا جارح
لازم تتعلم

فرحان وطاير من الفرح انك قصادى
مهزوم وقلبك انجرح وانا قلبى راضى
ياما كنت واقف مطرحي جلاد وقاضى
دلوقتى تصرخ من الاوجاع زيى انا

وحياه دموعي ولهفتي كل الليالي
اللى انت فيها سيبتني اشكي لحالي
لتدوق مراره الالم منى يا غالى
وتشوف بعينك كل عذاب شفتو انا

انا عشتلك عمرى بطيبتي وببرأتي
فكرتنى انسان ضعيف مسلوب ارادتي
وانى حاسلم لما تكسرني هزيمتني
يا خسارة قلبك كان موهوم وبيخدعك

ياما قلتلك ده لكل ظلم له نهاية
برضو تماديت في ظلمي وماقلتش كفاية
وغدرت بيا وخنت احلامي وهوايا
دلوقت فاكر مهما بكيت انا هأرحمك